Trump: Ral hi dih seh ka ti caah Iran ralbawi ka thahnak asi

4 January 2020

Amrica Cozah hi sullam ngei tein rian a tuan pengmi asi i ; Iran Major General Qassim Suleimani an thahnak zong hi sullam tampi ngeimi asi. Qassim Suleimani an thahnak ruang hi mipi nih theih duh tukmi asi.

US nih Qassim Suleimani a thahnak ruang cu mahtihin a chim;

“Iran Major General Qassim kan thahnak hi ral dai seh ti ka duh caah asi; ral thawh dingin kan thahmi asi loh. Qassim Suleimani hi American mipi a rak thattu le hmailei zongah that rih dingin aa zuam pengmi asi. American mipi tamtuk a thah hna pinah millions tampi hliamhma an tuar cang. American mipi a rak thah hna caah tuanvo ngeimi asi. Qassim Suleimani hi a thi tlak a rak si hrimhrim caah kan thahnak asi” tiin US Cozah nih an thahnak ruang a phuan.

America nih Iran Major General Qassim Suleimani an thah hnu ah Trump biachim ding hi mipi nih theih duh tukmi asi. US President Trump nih Twitter in bia a van chim! “Zeitikhmanh ah Iran nih ral a tei lai loh” tiin Trump nih Iran pawl tuar khawh lo dingin a van chim. (Iran nih America cu zeitik hmanhah a kan tei kho lai ti nak asi)

America nih Iran Major General Qassim Suleimani an thahmi cungah Israeli Prime Benjamin nih Trump cu a thangthat taktak.


US President Trump nih Iraq le Iran ah ummi American Citizen vialte an ram in zaam dih dingin ralrin nak a pek hna. Trump nih American Citizenship vialte cu a rannak in Iran le Iraq hi zaam tak dingin State Departure sinin ralrinnak a pek hna. Iran le Iraq nih US hi lehrulh an timh caah tubantukin ralrinnak a peknak hi asi.

Iran le Iraq nan zaam tak tikah Via Airline in nan zaam tak hna lai tiin US Embassy nih ruahnak zong an pek hna.

(Cozah pakhat nih vawlei pi theih in biakamnak a tuahmi cu a tuah lai tiin zumh dih asi. Caan dongh lai ah ramkhat le ramkhat an i kap lai timi Bible chim chungmi a hung tling tiin zumh khawh zong asi.)

DM