2020 thimnak kongah President hlun Thein Sein nih mipi sinah ralrinnak a pek hna

5 January 2020

 

Tuni ah President hlun Thein Sein cu Nay Pyi Taw ah minung 3200 hrawng nih upat nak puai an tuah piak. Biachimnak zong an pek i; 2020 thimnak kong zong a van chim.

 

2020 thimnak kong he pehtlaiin President hlun Thein Sein nih a chimmi cu a tha kho taktak. Thein Sein hi USDP party hruaitu asi nain Party hruaitu in a chuak cang i; Than Htay nih USDP party hi a hruai lio asi.

 

2020 thimnak he pehtlaiin Thein Sein nih a chimmi hna cu;

 

“2020 thimnak ah Vote peknak nawl ngeimi paoh nih Vote pek dih a herh. Vote pakhat nih rampi a thatter khawh. Cucaah, Vote pek philh hlah uh; Vote nan pek tikah Party Policy hi theihthiam le zoh a herhmi asi. Party Policy nan zoh hnu ah MP aa zuam dingmi nan zoh hna lai; MP caah nunzia tha mi le cathiammi nan thim hna lai” tiah Thein Sein a chim.

 

 

Thein Sein nih a chimmi hi USDP Party thazaang pek in a chimmi asi loh; mipi caah a herhmi an si.