Hailey Baldwin nih Selena Gomez kongah Justin Bieber chimmi cu a dirkamh!

Justin Bieber cu a nupi Hailey Baldwin nih raltha tein a dirkamh. Apple Music ah Justin Bieber cu February 15 ah Interview an tuah i; Selena Gomez cungah palhnak a rak tuahmi a chim.

 

 

“Selena Gomez he kan rak i duh lioah ka rak daithlang tuk, ka nunzia zong a rak tha loh” tiin Justin nih Selena he an i komh lioah aa palhnak kong a chim.

Justin nih Selena Gomez cungah palhnak a tuahmi cu lungthiang tein a phuanmi cungah Hailey Baldwin nih Justin Bieber a thangthat.

Hailey Bladwin nih Justin Bieber a dirkamhnak le a thangthatnak a chimmi cu;

” Justin Bieber nih lungthiang tein aa palhnak kong a chimmi cu ka thangthat tuk. Kan pahnih kar lakah biathli um lo dingin a chimnak hi asi. Aa palhnak a chimmi ruangah lunghrinhnak ka ngei loh; a luancia a rak sualnak le aa palhnak zong ngeihthiam khawh kaa zuam” tiin a chim.

Justin nih ka lungthin hi fak ngaiin a rak hrawh ko” tiin Selena Gomez nih Elle Interview tuahnak ah a rak chim bal ve.

Hollywoodlife