US nih WHO a chuak tak cang; US ah Virus ngeimi hi WHO nih tuanvo lak lai : Trump

15 April 2020

 

Coronavirus ruangah vawlei cung ngamdamnak bu (WHO) le US Cozah kar lakah i zumh lonak le lungthlin lo nak a tam tuk cang caah US nih WHO cu a chuak tak cang!

Tuni tiangah Virus hrik ngeimi hi 2million an si cang i; America ram ah ting 6 hrawng a ngeimi an si. Vawlei cungah America ah a tam bik ansi.

 

US Cozah nih WHO a chuak tak hnu ah US President Trump nih WHO cu fak taktak in a soisel colh hna. US Cozah cu WHO in a chuak cang i; WHO bawmhnak zong a phih colh.

 

Trump nih WHO a soiselnak a chimmi cu” Virus hi kong hi tuan tein WHO nih ralrin pek awk asi nain na kan pe loh. China dirkamh na duh caah vawlei harnak kan tong cang. A hman ning tein rian nan tuan loh; thleidannak nan ngeih caah WHO in kan chuaknak asi. Nan riantuannak ka zoh tikah ka lung a dong cikcek. Cucaah, thim awk ka ngei ti loh; WHO in ka chuah hau ti lawng kaa thim khawhmi asi” tiah Trump nih a chim. America ah Virus in a thi mi zong hi WHO nih tuanvo nan lak lai ti zong a chim chap.

 

Vawlei cung ngamdannak bu (WHO) ah phaisa tambik a pemi hi US asi nain a chuak cang caah WHO riantuannak zong aa phun dang kho mi asi.

(US nih WHO a chuak tak cang i; CHINA le US zong i huatnak a chuak kho dirhmun a hung si.)

Fox News