2020 S. Korea thimnak cu Democratic Party nih teinak an hmuh!

16 April 2020

 

Tulio Virus lakah 2020 S. Korea thimnak result a mak taktak. Tulio nawl ngeihnak ngeimi Democratic Party nih fak taktak in teinak an hmuh!

 

Coronavirus lakah S. Korea cu Legislative Election (Hluttaw Thimnak) an tuah i; Democratic Party nih teinak an hmuh. Hluttaw Thimnak ah thutnak hi 300 asi i; Democratic Party nih 180 an hmuh cang i; a ra dingmi 2022 President thimnak zongah teinak an hmuh ding aa fiang cang.

 

2022 ah President thimnak asi than lai i; teinak a hmu mi Party nih an duhmi President zong an thim khawh than lai ti nak asi.

 

President Moon Jae-in hi N. Korea President Kim Jung-un he an i pehtlaihnak that ruangah mipi nih an huat ngai nain Virus in mipi cu tha tein a kil ven khawh hna caah mipi duhnak a ngah thanmi asi.

 

Virus he pehtlaiin S. Korea Cozah nih ram 20 leng a bawmh cang hna. Virus in i kil vennak le i thlop ning zong S. Korea nih tampi ruahnak an pek hna.

The Guardian News