“Ralkap nih hramhram in USDP ah mee na pek lai an ka ti” tiin facebook ah a tial caah pohmah pathum in zungah chuahpi a si

 

 

Pakokku khua i ralkap tatzin 235 chungah a ummi nu pakhat Thinzar Than Minn (kum 25) cu a pa ralkap a si ruangah ralkap nih hramhram in USDP ah mee na pek lai an ka ti tiin facebook cungah a tial caah, ralkap limhang a zorter tiin zungah an chuahpi tiah theih a si.

 

 

 

 

 

 

“Ka pa ralkap a si ruangah USDP ah mee na pek lai an ka ti. Ka duh lo i NLD ah mee ka pek caah ka pa rian kongah an hrocer” tiah Thinzar Than Minn nih a tial.

 

Cucu ralkap nih an suh ve lo. Mee peknak kong he pehtlai in ralkap nih ahohmanh hnek a si lo an ti ve. Cucaah ralkap min a chiatter tiin pohmah phun thum bunh in zungah an chuahpi.

 

Thinzar Than Min nih facebook cung ca a tial hi September 23 ni ah a si i zungah an chuahpi hi September 28 le 30 ni ah a si. September 30 ni lila ah Thinzar Than Minn cu palek nih an va tlaih colh.

 

 

 

 

Myanmar Now

Be the first to comment

Leave a Reply

Your email address will not be published.


*