Vawlei chungah duhsah tein a pil ziahmahmi khuapi minthang hna

 

 

1. Jakarta (Indonesia)

 

 

Jakarta khuapi ah minung 10 million hrawng an um i, vawlei tangvti an hmanmi a tam tuk caah kum khat chungah 6.7″ lengmang vawlei chungah a pil. Atu ning tein a pil peng ah cun 2050 kum ah a pil dih te lai tiah ruahdamh a si. khuapi cu a tu a umnak hmun in 100 km tluk a hlatnak hmun ah thial dingin an timhlamh cuahmah i kum 10 hrawng an rau lai, 33 billion hrawng an dih te lai tuah ruahdamh a si.

 

 

2. Bankok (Thailand)

 

 

Bankok khuapi hi minung 8 million hrawng an um i kum khat ah 1 cm hrawng a pil ve. 2030 kum ahcun rili ti level nak niam a phan lai tiah zumh a si. Atu caankarlak himnak caah Bankok mifim hna nih vawlei tangah ekah 11 tling a kaumi pangparduum an ser i cu duum ahcun Gallon 1 million a tlum ding ti khonnak an ser.

 

 

3. Dhaka (Bangladesh)

 

Dhaka khua hi a zualhma ngaimi a si i atu ningvtein a pil peng ahcun 2050 kum ahcun ram pumpi i 17% cu rili nih phum ding a si i minung 18 million cu umnak hmun thial an hau.

 

 

4. Lagos (Nigeria)

 

 

Lagos khua cu Africa continent i nitlaklei rilikam khua a si caah, rili ti a kai caan ah a hnur lengmang i atu zongah harsatnak tampi an ngei. vawlei cung khuacaan a dik lomi ruangah rili hi level hi a kai ve lengmang bantukin, atu hnu pe 6 tluk a kai than ahcun Lagos khua cu a phum sih cang lai. 2021 kum songlei ah cun phum sual khawh a si tiah khuacaan lei mifim nih an chim.

 

 

5. Venice (Italy)

 

 

Venice khua cu khua chung tilam hna thawngin tourist an tamnak khua a si nain, an tah tik ahcun kum khat ah 0.08″ in a pil ziahmah tiah an hun hngalh. Cu caah 2003 kum thokin tikhamnak le ti chuahnak kutka hna ser hram an thok i ti chuahnak kutka 78 tluk an ser. 2011 kum ah an dih cang nain, ti chuahnak kutka cu 2022 kum lawngin an hman te lai. 2018 kum ah Venice khua cu tilet nih a rak den i kum 10 chungah a fakbik a rak si.

 

 

6. Rotterdam (Netherland)

 

 

A hramthok tein Rotterdam khua i 90% cu rili level nakin a niam deuh cia a si caah, rili level tlawmte a kai chap ahcun a ning piin a phum ding a si cang. cu caah Bankok khua bantukin, Rotterdam zong vawlei tangah ti khonnak an ser ve hna i rili tilet thawh tikah khamnak an ser hna.

 

 

7. Alexandria (Igypt)

 

 

Igypt nih an i zohthla ngaimi Alexandra khua zong rili ti a thangmi ruangah beach pawl an dih deng cang tiah theih a si.

2100 kum hrawngah Mediterenian rili hi pe 2 tluk a thang te lai tiah zumh a si. Cu a ai ahcun Alexandria khua timi cu a tlau te lai.

 

Cun America chung zongah rilikam khua cheukhat vawlei chungah a pil cuahmah mi an um len hna.

 

 

 

 

 

Photos: internet

Green Calendar

Be the first to comment

Leave a Reply

Your email address will not be published.


*