Thazang a zorchuk tertu thil 5

 

 

Minung hi Pathian nih thil ti khawhnak le ruah khawhnak sangpi he a kan ser nain, kanmah santlaih lo ruang le kan pawngkam thalo ruangah kan tuah khawh hnga tlukin kan tuah kho tawn lo i derthawmnak nih a kan hnuh tawn. Cu kan thazang a zor tertu thil hna tampi lakah ni fatin kan ton tawnmi thil phun 5 hi a hleikhun in hrial khawh kan i zuam cio a herh.

 

1. A herhmi leng tiangin khuaruah

 

 

Minung a simi poh nih khua cu kan ruat dih. Cu cu kan tuah hrimhrim awk zong a si. Sihmanhsehlaw, mi cheukhat cu a herhmi naktam in khua an ruat. Tamtuk lehpek in khua ruah tikah kan thluak nih a ruah khawhmi pinlei ah fak tukin kan hnek chih a si caah, cu nih cun kanvthazang a zorter.

 

 

2. Ih/hngilh caan rulran lo

 

 

 

Minung ngandamnak ca ah le thawnnak ca ah mitkuh cim tein hngilh hi a biapi tuk hringhran. A ruang cu, chun caan ah khua kan ruahnak le kan cawlcanghnak ah kan thluak siseh, ka pum chung siseh kan hmanmi, a dih mi, a rawkmi vialte kha, kan i hngilh chungah amah tein a rak i remh ve i aa tharchuah ve. Cucaah, a caan hman tein i hngilh lo tikah kan thazang tampi a zor.

 

 

3. Eidin dik lo

 

 

 

Eidin i suum khawh hi a har ngaimi thil a si nain, ngandam kan duh i thawn kan duh ahcun kan i suum hrimhrim cu a hau. Eidin diklo kan ti tikah chim duhmi cu, calorie (eidin ruangah kan pum chuangah a chuakmi linhsatnak) lawng a tamter mi eidin (eg. a cunglei hmanthlak chung bantuk pawl) kha hrial i nutrient a tam deuhmi rawl phun pawl ei a herh.

 

 

4. A liamcia thil kong ruah peng

 

 

 

Minung a aimi poh nih caan khatkhat cu a liamcia caan le kan rak tonmi thil kong cu kan ruat dih cio hna. Asinain mizeimaw cu a tu caan le hmailei caan ruat kho lo tiangin a liamcia kong lawngte ruah kan hmang ve. A liamcia caan ah kan santlaih lonak kong kha kan ruah than lengmang tikah kan thluak nih a sehchih caah kan phum chung ah a hei kuat chin i thazang zornak a chuahter.

 

 

5. A thatlonak lei lawngte a hmumi

 

 

 

Kan tlamtlin lonak kong le kan derthawmnak kong lawngte kan ruah peng ah cun kan kaa zongin thachiatnak bia kan chim deuh ve i kan chim a tam deuh deuh le kan derthawm chin lengmang ve. Cun kan pawngkam minung nih kan thatlonak lawngte an kan hmuh piak i an chim peng tikah, cu nih cun kan hnulei ah a kan hnuh i kan ral a chia, “ka ti kho la lo” kan ti dih, “a poi tak si” ti lawngte a si cang. Cu ticun hnu ah kan pil chin lengmang ko.

 

 

 

 

 

photos crd: internet

Be the first to comment

Leave a Reply

Your email address will not be published.


*