India cozah le lothlo pawl buainak

 

 

November 27 ni ah India ram lothlo pawl cu cozah biakhiahnak cungah an lung a tling lo i duhlonak langhter awkah Delhi khuapi ah luh an i zal.

 

 

 

 

September thla lio ah India parliament nih an rak tuahmi lothlo pawl le lo chuak thil kong upadi cu a tu cozah nih an thlen piak hna caah, cu phung thar ning in cun lothlo pawl cu company ngan hna kuttang kan phan lai ti ruat in an hnatlak lonak an langhter a si.

 

 

 

 

Duhlonak a langhtertu hna lakah India chaklei le Panjab mi hna an tam i, leithuannak seh hmangin siseh ke in siseh Delhi lei ah a bu bu in an ra hna.

 

 

 

 

 

 

Duhlonak langhter cu cozah nih an thlauh hna lo nain cozah nih a khiahmi hmun lawngah tuah ding ti a si. Cu cu lothlo pawl nih an duh ve lo i Delhi khua chung hrimhrim ah kan tuah lai tiah an pahchih peng ve. Cucaah duhlonak langhtertu hna le palek kaelak ah sualtalnak zobg a um i ti le mitthli tlak tertu gas khu in palek nih an kham hna.

 

 

 

 

 

India thawngzamh pakhat Aljeera nih a langhter ning ahcun upadi thar ning in lothlo pawl hi an zaang a dam deuh lai ti a si.

 

 

 

 

 

 

 

Aljeera, VOA

Be the first to comment

Leave a Reply

Your email address will not be published.


*