Maradona ruak cungah hman aa thla tu pa cu tazacuai an timh

 

 

Diego Maradona ruak cu thlanmual ah vui dingin an kalpi hnuah, thlanmual zohkhenhtu pathum nih a ruak cu hman an i thlakpi caah Maradona sihni le chungkhar nih tazacuai an timh tiah theih a si.

 

 

 

 

 

Thlanmual zohkhenhtu Diego Molina nih Maradona ruang cungah kutpi tun in hman aa thlakpi hnu ah, a riantuan hawi Claudio Fernandez le a fapa Ishmael zong nih Molina tuah bantukin anbtuah ve i Maradona ruak cu hman an i thlakpi ve.

 

 

 

 

 

Cu hmanthlak cu social media cungah a hung kai tikah Argentina mipi le Maradona thapetu hna le a chungkhar hna cu an thin a hung ngai ngai. Cun thlanmual zohkhenhtu hna zong cu an rian an phuah colh ve hna tiah theih a si.

 

 

 

 

 

Claudio nih Argentina Radio 10 hmangin mipi sinah le chungkhar sinah ngaihthiamnak a hal, “Ka tuahsernak nih mi tampi an thin a hunter hna ti ka hngalh. Rak ka ngai thiam u law” tiah a chim. Cun micheukhat nih “kan in thah lai” tiah an ka hrocer ti zong a chim chih. Cun, “Hi hmanthlak hi keimah phone in thlakmi a si lo. Atu bantuk hin social media cungah an ka phozar ding ka ruat bak lo” tiah Fernandes nih a chim.

 

 

 

 

 

Maradona sihni nih, “Maradona a nun lio zongah naihniam ngai in kan um. Atu bantukin a ruak cungah zoh dawh lo thil a tuahtu hi a tuahsernak aa ngaichih hlanlo ka cawlcang lai” tiah a chim.

 

 

 

 

 

 

 

 

Daily Mail, The Standard News

Be the first to comment

Leave a Reply

Your email address will not be published.


*