December 4 ni thok in Rohingya pawl cu an umnak hmun thial an si cang lai

 

 

Bangladesh ram i Cox’s Bazaar Rohingya refugee camp ah a tu tiang Rohingya 1.2 million an um cang i an i tet tuk cang caah Bangladesh cozah nih an umnak hmun thial dingah a timh cuahmah i December 4 hnu hin cun thial hram an thok cang lai.

 

 

 

 

 

Cox’s Bazaar camp ah cun inn 2017 kum hlan ah a rak phanmi Rohingya pawl nih tlak benhmi inn an ngei i 2017 kum hnu a ra lutmi poh cu plastic inn ah an um. Inn pakhat ah a tlawm bik minung 6 an um i minung 20 tluk nih zungpuut (toilet) pakhat an i hrawm.

 

 

 

 

 

Cun Rohingya hi an tam tuk cang caah Bangladesh cozah nih a tih pah cang hna.

Cucaah an umnak hmun cu Bashan Char tikulh ah thial a timh hna.

 

 

 

 

Hi hmun hi Rohingya pawl kongah tuanvo ngeitu hna le Rohingya upa 40 nih an va zoh cang i thial awkah an lung a tling. Atu ah Bashan Char tikulh ahcun Rohingya 306 (April thla lio i rili cung i an khamh mi hna pawl) cu an um cang.

 

 

 

 

 

 

 

Asinain UN le Rohingya cheukhat nih Bashan Char tikulh cu an tih. A ruabg cu, hi hmun hi rili kam a ai caah tilet nih a phan khawh lengmang nak ding hmun a si.

 

 

 

 

 

 

A ralaimi zarh khat chungah minung 1500 tluk cu thial khawh an si lai tiah theih a si. Asinain, thial a suh lomi hna anum tikah cozah nih hramhram in a thial ter hna lai maw ti cu a fiang rih lomi a si.

 

 

 

 

 

 

Cozah nih aa tinhni.g ahcun Rohingya 100000 hrawng i thial kho seh law ti a si.

 

 

 

 

 

 

 

 

Dhakhatime

Be the first to comment

Leave a Reply

Your email address will not be published.


*